Москвагийн Чеховын нэрэмжит театрын орлого улиралд 2 тэрбум рубльд хүрчээ

Москвагийн Чеховын нэрэмжит Урлагийн театрын нийт орлого таван жилд гурав дахин илүү өсөж, улиралд 2 тэрбум рубльд хүрчээ гэж уран сайхны удирдагч Константин Хабенский мэдэгджээ. Энэ тухай Интерфакс агентлаг мэдээлэв.

«Энэ таван жилд нийт орлого 2021 оны намрын 650 сая рублиас улиралд бараг 2 тэрбум рубль болж өссөн» гэж тэрбээр хэлсэн байна.

Жилийн үзэгчдийн тоо 266 мянгаас 302 мянга болж, суудал дүүргэлт 99.78 хувьд хүрсэн аж.

Тасалбарын дундаж үнэ бараг 180 хувиар өссөн гэж тэрбээр хэлжээ. Суудал хязгаарлагдмал, дамын наймаачид, хуурамч сайт гарсан нь нэг шалтгаан гэнэ.

Пушкины картаар зарсан тасалбарын тоо 12.3 мянгаас 36.9 мянга болж гурав дахин өссөн байна.

Театрын 60 жүжгийн 57 нь Пушкины картын хөтөлбөрт багтжээ.

Хабенский 2021 оны 10 дугаар сараас уран сайхны удирдагчаар ажиллаж байгаа юм.