Нацистын хавчлагад өртсөн Польшийн иргэд Германы иргэний нийгмээс тусламж хүсчээ
Польшийн бараг бүх гэр бүл дайнд хохирсон тул нөхөн төлбөрийн асуудал нийгэмд чухал хэвээр байна.
DW1 мин унших
DW
Германы эзлэн түрэмгийллийн үед нацистын хавчлагад өртөж, одоо Польшид амьдарч буй хүмүүсийн байгууллагууд 11 дүгээр сарын 5-нд Германы иргэний нийгэмд хандаж, хүмүүнлэгийн тусламж үзүүлэхийг уриалсныг Дойче Велле радио мэдээлжээ.
Уриалгын дагуу Польшид нацистын хавчлагаас амьд үлдсэн 50 мянга орчим хүн одоо ч амьдарч байгаа бөгөөд тэдний олонх нь 90 гаруй настай, өвчин, өртгийн өсөлттэй тэмцэж байна.
«Олон хүний хувьд тусламж үзүүлэх шийдвэр цааш хойшлох нь тусламж хэтэрхий оройтно гэсэн үг» гэж уриалгад дурджээ.
Дайны үед Польшийн 6 сая орчим иргэн, түүний дотор 3 сая орчим польш еврей амь үрэгдэж, 2.5 сая орчим польш хүнийг албадан хөдөлмөрт Герман руу хөөж байжээ.
Польшийн өмнөх засгийн газар 2022 оны 10 дугаар сард Германаас дайны хохиролд 6.2 их наяд злот нэхэмжилсэн бол Дональд Туск тэргүүтэй засгийн газар энэ шаардлагаас холдсон ч Берлинээс бүтээлч шийдэл хүлээж байна.
Германы Гадаад хэргийн яамны хэвлэлийн дэд төлөөлөгч Йозеф Хинтерзеер 9 дүгээр сарын 23-нд хүмүүнлэгийн дохио зангааны талаар одоогоор шийдвэр гараагүй гэж мэдэгдсэн юм.
Польш-Германы эвлэрлийн сангийн дарга Якуб Декагийн хэлснээр 5 дугаар сарын анхны уриалгын дараа хэдэн зуун герман хүн хандив өргөж, сангийн дансанд гучин таван мянга гаруй евро орсон аж.
