Нигерийн Аж үйлдвэрийн банк Олон улсын санхүүгийн корпорациас 50 сая ам.долларын зээл авна
Зээлийн дор хаяж 25 хувь нь эмэгтэйчүүдийн бизнест зориулагдана.
Нигерийн Аж үйлдвэрийн банк, Олон улсын санхүүгийн корпораци жижиг, дунд бизнесийг санхүүжүүлэх 50 сая ам.долларын зээлийн гэрээнд гарын үсэг зуржээ гэж Премиум Таймс сонин мэдээлэв.
«Энэ түншлэл нь банкны бүрэн эрх, чадавх, Нигерийн аж үйлдвэрийн хөгжилд гүйцэтгэх үүрэгт хүчтэй итгэл үзүүлж байна» гэж банкны гүйцэтгэх захирал Оласупо Олуси хэлсэн байна.
Энэ нь корпорацийн 100 сая ам.доллар хүртэлх багцын нэг хэсэг юм. Долоон жилийн зээлээр үйлдвэрлэл, хөдөө аж ахуй, сэргээгдэх эрчим хүч, бүтээлч салбарыг санхүүжүүлэх аж.
Гэрээнд Африкийн санхүүгийн салбарын дээд хэмжээний уулзалтын үеэр Олуси, корпорацийн гүйцэтгэх захирал Махтар Диоп нар гарын үсэг зурсан юм.
Банк эцсийн санхүүжилтийн баримт бичиг, нөхцөлийг биелүүлэхээр корпорацитай үргэлжлүүлэн ажиллана.
