Ормузын хоолойн ойролцоо дрон цохисон гэх халдлагад Энэтхэгийн далайчин амь үрэгдэв
Энэтхэг халдлагыг буруушааж, бүс нутгийн мөргөлдөөнд дипломат шийдэл хайхыг уриалжээ.
Оманы эрэг орчимд Энэтхэгийн далбаатай ачааны хөлөгт дрон цохисон гэж сэжиглэгдэж буй халдлагад 25 настай далайчин амь үрэгджээ гэж Хинду сонин мэдээлэв.
«Халдлага болоход Гандхар кабинд жолоо барьж байсан» гэж хөлгийн эзний ах Акбар Ахмед Сумбхания хэлсэн байна.
Аль Жусуфи хөлөг Арабын Нэгдсэн Эмират улсаас Порбандар руу 900 шахам тонн финик ачиж яваад 11 дүгээр сарын 2-нд Лима боомтын ойролцоо цохиулжээ.
Хөлгийн 14 хүний 13 нь аврагдсан гэж Боомт, тээврийн сайд Сарбананда Соновал мэдэгдсэн байна. Энэтхэгийн ЭСЯ болон яам тэднийг эх оронд нь буцаахаар ажиллаж байгаа аж.
Гэр бүл нь бичиг баримтын саатлаас болж далайчныг Оманы Хасаб боомтод оршуулахаар шийджээ.
Энэтхэгийн дарвуулт хөлгийн холбоо 2 дугаар сараас хойш дөрвөн хөлөг халдлагад өртөж, хоёр далайчин амь үрэгдсэнийг дурдаж, Ираны элчин сайдад хандан аюулгүй нэвтрэх механизм хүссэн юм.
