Казахстан 2034 он гэхэд 500 шахам эмийг дотооддоо үйлдвэрлэхээр төлөвлөж байна
Найман хөрөнгө оруулалтын төсөлд ойролцоогоор 862 сая ам.доллар оруулна.
Казахстан импортын эмээс хамаарах хамаарлаа бууруулахын тулд 2034 он гэхэд 500 шахам төрлийн эмийг дотооддоо үйлдвэрлэхээр төлөвлөж байна гэж Таймс оф Сентрал Эйша сайт мэдээлэв.
Эхний 300 эмийг 2027-2030 онд, үлдсэн 194-ийг 2034 он гэхэд үйлдвэрлэж эхлэх юм. Хорт хавдар, зүрх судас, чихрийн шижин, ховор өвчний эм үүнд багтах аж.
2025 онд эмийн зах зээл 2.84 тэрбум ам.доллар болсноос дотоодын бүтээгдэхүүн үнийн дүнгээр ердөө 15 хувь эзэлжээ. Савлагааны тоогоор бол 42 хувьд хүрч байгаа юм.
Ерөнхий сайд Олжас Бектенов савлах төдийгөөс бүрэн мөчлөгийн үйлдвэрлэлд шилжихийг 11 дүгээр сарын 3-нд уриалсан байна.
Хөгжингүй зохицуулалттай орны эмийг бүртгэх 15 ажлын өдрийн журам нэвтрүүлж, одоогоор 16 эм, эмнэлгийн хэрэгслийг бүртгэжээ.
Эмийн үйлдвэрлэл 2026 оны эхний найман сард 30 хувь өсөж, 346 сая ам.долларт хүрсэн юм. Гол худалдан авагчид нь Орос, Кыргызстан, Узбекистан, Монгол, Молдав аж.
