ОХУ нийгмийн тэтгэврийг 6.8 хувиар нэмэгдүүлэхээр төлөвлөжээ

ОХУ-д 2027 оны 4 дүгээр сарын 1-нээс нийгмийн тэтгэврийг 6.8 хувиар индексжүүлэхээр төлөвлөж байгааг Оросын тэтгэвэрт гарагсдын холбооны Төв удирдах зөвлөлийн Тэргүүлэгчдийн дарга Валерий Рязанский мэдэгджээ. Энэ тухай РИА Новости агентлаг мэдээлэв.

Түүний хэлснээр, индексжүүлэлт энгийн даатгалын тэтгэвэр авахад шаардлагатай даатгалын хугацаа, тэтгэврийн оноо хүрэлцэхгүй иргэд, хөдөлмөрийн дадлагагүй хөгжлийн бэрхшээлтэй хүмүүс, тэр дундаа хөгжлийн бэрхшээлтэй хүүхдүүдэд хамаарна. Хуулийн дагуу тэжээгчээ алдсан хүүхдийн тэтгэвэр ч нэмэгдэх юм.

«2 дугаар сарын 1-нээс инфляцийн түвшин буюу 6.8 хувиар индексжүүлнэ» гэж Рязанский даатгалын тэтгэврийн талаар хэлжээ.

Даатгалын тэтгэврийг 2027 онд хоёр үе шаттайгаар индексжүүлэх бөгөөд инфляцийн түвшингээр нэмэгдүүлсний дараа цалингийн өсөлтийн хурдаар нэмж 3.3 хувиар өсгөх аж.