Өмнөд Африкийн ерөнхийлөгчийн фермээс мөнгө хулгайлсан эрийг буруутай гэж тогтоожээ

Өмнөд Африкийн шүүх Ерөнхийлөгч Сирил Рамафосагийн фермээс 500 мянга гаруй доллар хулгайлсан хэрэгт Имануэла Дэвидийг буруутай гэж тогтоосон гэж Би Би Си мэдээлжээ.

Дэвидийг Лимпопо мужийн Фала Фала ферм рүү 2020 онд нэвтрэн орох хуйвалдааны хэрэгт мөн буруутай гэжээ. Тус газрын цэвэрлэгч Фролиана Жозефийг хуйвалдаанд буруутай гэж үзэж, түүний ах дүү Ндилинашо Жозефыг цагаатгасан байна.

Дэвид 2020 оны хоёрдугаар сард буйдангаас 580 мянган доллар авсан хэмээн буруутгагдаж байв. Тэрбээр мөнгийг алмааз, биткойны бизнесээс олсон гэж мэдүүлсэн ч шүүх үүнийг няцаажээ.

Ял оноохын өмнөх ажиллагаа арваннэгдүгээр сарын 13-нд болно.

Хулгайн хэрэг 2022 он хүртэл бараг мэдэгдээгүй байжээ. Тагнуулын байгууллагын дарга асан Артур Фрейзер тэр онд Рамафосаг хэргийг цагдаа, татварын албанаас нуусан гэж мэдэгдсэн юм. Рамафоса хулгай болсныг хүлээн зөвшөөрч, буруу зүйл хийгээгүй гэж няцаажээ.

Мөн онд хараат бус зөвлөл Рамафоса хариулах асуулттай байж магадгүй гэж дүгнэсэн боловч парламентын гишүүд импичментийн шалгалт явуулахын эсрэг санал өгчээ.

Энэ оны тавдугаар сард Үндсэн хуулийн шүүх парламент зөвлөлийн тайланг хойш тавьсан нь хууль бус гэж шийдвэрлэсэн. Долдугаар сард Рамафоса мужийн шүүхээр дамжуулан парламентын шалгалтыг зогсоосон юм.