Өмнөд Солонгос 3600 тоннын шумбагч онгоцоо усанд буулгажээ

Өмнөд Солонгосын Тэнгисийн цэргийн хүчин, Батлан хамгаалахын худалдан авах ажиллагааны газар 3600 тоннын дизель цахилгаан Со Хи шумбагч онгоцыг мягмар гаригт усанд буулгасан гэж Кориа Таймс сонин мэдээлжээ.

89 метр урт энэ хөлөг нь Жан Ён Сил онгоцны дараах хоёр дахь нь бөгөөд өмнөх 3000 тоннын загвараас том юм. Ёслолд 200 орчим албан тушаалтан оролцжээ.

Босоо харвах төхөөрөмж нь баллистик болон далавчит пуужин харвах чадвартай.

Дотооддоо бүтээсэн литийн ион батерей усан доор байх хугацааг уртасгах аж. Хөлөгт дотоодод үйлдвэрлэсэн 70 систем суурилуулсан нь өмнөх загвараас 12-оор олон юм.

«Энэхүү шумбагч онгоц тэнгисийн цэргийн байлдааны бэлэн байдлыг бэхжүүлж, экспортод хувь нэмэр оруулна гэж найдаж байна» гэж төслийн хэсгийн дарга И Сан У хэлжээ.

Далайн туршилтын дараа онгоцыг 2028 онд Тэнгисийн цэргийн хүчинд хүлээлгэн өгөх юм.