Өмнөд Солонгос, Польш батлан хамгаалах, эрчим хүчний хамтын ажиллагаагаа өргөжүүлэхээр ярилцав

Өмнөд Солонгос, Польш батлан хамгаалах, эрчим хүч, батарей, дэд бүтцийн хамтын ажиллагаагаа бэхжүүлэх арга замыг Варшавт хэлэлцжээ гэж Кореа Таймс сонин мэдээлэв.

Мягмар гарагт болсон эдийн засгийн хамтарсан хорооны долоо дахь хуралдааныг Солонгосын эдийн засгийн асуудал хариуцсан дэд сайд Пак Жон Хан, Польшийн эдийн засгийн хөгжил, технологийн дэд сайд Михал Барановски хамтран даргалсан байна.

Талууд 4 дүгээр сард Ерөнхийлөгч Ли Жэ Мён, Ерөнхий сайд Дональд Туск нарын уулзалтаар хүрсэн тохиролцооны хэрэгжилтийг хянажээ.

Польш Солонгосоос танк, өөрөө явагч их буу, Чонму пуужин харвагч худалдан авсан нь батлан хамгаалахын хамтын ажиллагааны үндэс болж байна.

Мөн батарей, эрчим хүчний нийлүүлэлтийн сүлжээ, шинэ нисэх буудлын холболт зэрэг дэд бүтцийн төсөл, сансар, дижитал технологийн талаар ярилцсан аж. Нийлүүлэлтийн сүлжээг тогтвортой байлгахад өндөр түвшний механизм ажиллуулна.

Пак Польшийн Гадаад хэргийн дэд сайд Игнаци Немчицкитэй тусад нь уулзаж, ЕХ-ны төлөвлөж буй Аж үйлдвэрийн хурдасгуурын хуулийн дотоодын үйлдвэрлэлийн шаардлагаас Солонгосыг хасуулахгүй байхад дэмжлэг хүссэн юм.