Өмнөд Солонгост олон соёлт гэрлэлт 2025 онд бага зэрэг буурчээ

Өмнөд Солонгост 2025 онд 21,399 олон соёлт гэрлэлт бүртгэгдсэн нь өмнөх оноос 0.2 хувиар буурсан гэж Кореа Таймс сонин Мэдээлэл, статистикийн яамны тоо баримтыг иш татан мэдээлэв.

Эдгээрийн 71.4 хувь нь гадаад эхнэртэй, 18.9 хувь нь гадаад нөхөртэй, 9.7 хувь нь иргэншил авсан хүнтэй гэрлэлт байжээ.

Нийт олон соёлт гэрлэлтийн 25.3 хувьд эхнэр нь вьетнам, 15.1 хувьд хятад, 9.2 хувьд тайланд иргэн байна. Нөхрийн хувьд энэ үзүүлэлт америк иргэнд 6.8, хятад иргэнд 5.6, вьетнам иргэнд 3.6 хувь аж.

Анх гэрлэж буй нөхрүүдийн дундаж нас 37.1, эхнэрүүдийнх 29.7 байна.

Олон соёлт гэрлэлтийн 75.2 хувьд нөхөр нь эхнэрээсээ ахмад бөгөөд 36.1 хувьд нь дор хаяж 10 насаар ахмад юм.

Ийм гэр бүлийн салалт 1.4 хувиар өсөж 8,104 болсон бол төрсөн хүүхдийн тоо 0.5 хувиар буурч 13,347 болжээ.