Өмнөд Солонгосын импортын үнэ аравдугаар сард дахин буурлаа

Өмнөд Солонгосын воны ханш чангарч, газрын тосны үнэ буурсны улмаас тус улсын импортын үнэ аравдугаар сард дахин буурсныг Солонгосын банкны баасан гарагт нийтэлсэн мэдээлэл харуулжээ.

Төв банкны урьдчилсан мэдээллээр, есдүгээр сард 1.9 хувиар өссөн импортын үнийн индекс аравдугаар сард өмнөх сараасаа 1.8 хувиар буурчээ. Индекс зургаадугаар сараас хойш гурван сар дараалан буурч байсан юм.

Аравдугаар сард воны ханш ам.доллартай харьцуулахад 1.6 хувиар чангарч, Өмнөд Солонгос жишиг үнэ болгон ашигладаг Дубайн түүхий нефтийн үнэ 2.6 хувиар буурсан нь импортын үнэ буурахад нөлөөлсөн гэж төв банк тайлбарлав.

Аравдугаар сард түүхий эдийн үнэ өмнөх сараас 3 хувиар, завсрын бүтээгдэхүүний үнэ 1 хувиар буурчээ.

Импортын үнэ нийлүүлэлтийн сүлжээгээр дамжин үйлдвэрлэлийн зардал, хэрэглээний үнэд нөлөөлдөг тул инфляцыг хөдөлгөгч гол хүчин зүйл болдог гэж төв банк үздэг.

Наймдугаар сард 3.5 хувиар, есдүгээр сард 0.5 хувиар буурсан экспортын үнийн индекс аравдугаар сард өмнөх сараас 0.7 хувиар өссөн байна.