Оросын агаарын довтолгооноос хамгаалах хүчин аравдугаар сард Украины 28 мянга орчим нисгэгчгүй онгоц сөнөөжээ

Оросын агаарын довтолгооноос хамгаалах хүчин аравдугаар сард Оросын нутаг дэвсгэр дээгүүр Украины 27,988 нисгэгчгүй онгоц сөнөөжээ. Энэ тухай ОХУ-ын Батлан хамгаалах яамны мэдээлэлд тулгуурлан РИА Новости агентлаг тооцоолж мэдээлэв.

Агентлагийн судалсан мэдээллээр аравдугаар сарын 1-нээс 31-ний хооронд сөнөөсөн нисгэгчгүй онгоцны хамгийн их нь буюу 1750 нь аравдугаар сарын 6-нд ногджээ.

Хамгийн олон нисгэгчгүй онгоц сөнөөсөн таван өдөрт мөн аравдугаар сарын 14, 29-ний өдрүүд тус бүр 1425, аравдугаар сарын 24-ний өдөр 1297, аравдугаар сарын 30-ны өдөр 1263 онгоцоор орсон байна.

Эдгээр таван өдөрт нийт 7160 нисгэгчгүй онгоц сөнөөсөн нь сарын дүнгийн 26 орчим хувь болжээ.

ОХУ-ын Зэвсэгт хүчний Жанжин штабын дарга Валерий Герасимов аравдугаар сарын 16-нд Ерөнхийлөгч Владимир Путинд илтгэхдээ зөвхөн есдүгээр сард Оросын бүс нутгуудын дээгүүр дайсны 15 мянга гаруй агаарын бай буюу өдөрт 500 гаруйг нь саатуулж устгасан гэж мэдэгдсэн.

Түүний хэлснээр нэгдүгээр сард энэ үзүүлэлт өдөрт 120 орчим нисгэгчгүй онгоц, пуужин байжээ.

Мөн уулзалтын үеэр Путин агаарын довтолгооноос хамгаалах багуудын мэргэжлийн ажлыг онцлохын зэрэгцээ иргэний болон цэргийн байгууламжуудыг хамгаалах үр нөлөөг цаашид нэмэгдүүлэх шаардлагатайг тэмдэглэжээ.