Оросын халдлагын улмаас Киевт ус, цахилгаан тасарчээ

Орос 11 дүгээр сарын 3-ны шөнөөс Украины эрчим хүчний системд хийж буй хамгийн том халдлагуудын нэг үргэлжилж, Киев болон бусад бүс нутагт цахилгаан тасарчээ гэж Медуза сайт мэдээлэв.

Укрэнерго компанийн мэдээллээр, сүүлийн нэг хоногт Оросын цэргүүд эрчим хүчний байгууламж руу 20 гаруй удаа цохилт хийж, ихээхэн хохирол учруулсан байна.

Энэ намар ийм хэмжээний анхны хязгаарлалт болсныг Украинская Правда сайт тэмдэглэжээ.

Сумы, Полтава мужид онцгой хуваарь нэвтрүүлсэн бөгөөд хэр удаан тасрахыг хэрэглэгчдэд хэлж чадахгүй байгаа аж.

Киевийн хотын дарга Виталий Кличко цахилгаан хангамжийн байдал маш хүнд гэж мэдэгджээ. Хамгийн их хохирсон дүүргүүдэд дулаацах цэгүүд байгуулсан байна.

Цахилгаангүйгээс хотын цахилгаан тээвэр тасалдаж, Киевводоканал компани хот даяар ус хангамжийг түр зогсоосон юм.