Москва эд хөрөнгөө битүүмжилснийг эсэргүүцэж, Норвегийн дипломатчийг дуудав

ОХУ-ын Гадаад хэргийн яам Норвегийн Москва дахь түр хамаарагч Бьёрн Свенунгсенийг дуудаж, Украины компаниудын хүсэлтээр Оросын эд хөрөнгийг битүүмжилж байгааг эрс эсэргүүцжээ гэж Интерфакс агентлаг мэдээлэв.

Яам Норвегийг 1961 оны Венийн конвенц, 2004 оны төрийн эд хөрөнгийн халдашгүй байдлын конвенцийг чанд сахихыг уриалсан байна.

Шпицбергений Баренцбург боомтод Профессор Молчанов судалгааны хөлөг зогсож байгаа юм. Норвегийн шүүх түүнийг Нафтогаз Украины компани болон бусад Украины аж ахуйн нэгжийн хүсэлтээр 9 дүгээр сарын 2-нд битүүмжилжээ.

Арктикуголь трестийн гомдлыг шүүх 10 дугаар сарын 28-нд хэрэгсэхгүй болгосон бөгөөд хэрэг хянан хэлэлцэх нь олон сар үргэлжилж магадгүй аж.

Үүнд тохиромжгүй хөлөг Арктикийн хүнд нөхцөлд удаан өвөлжвөл эвдэрч, байгаль орчинд ноцтой хор учруулж болзошгүй гэж яам анхааруулсан байна.

Норвегийн хориг Орос, Шпицбергений хоорондын нислэгийг зогсоосноос хойш энэ хөлөг ажилтнууд, чухал ачааг шууд хүргэдэг цорын ганц тээвэр байсан гэж яам тайлбарлажээ.

Норвегийн шүүх 9 дүгээр сарын 22-нд Осло дахь Оросын таван үл хөдлөх хөрөнгийг мөн битүүмжилсэн юм.