ОУВС арваннэгдүгээр сарын 1-нд Украинаас зээлийн дөрвөн төлбөр хүлээж байна

Олон улсын валютын сан арваннэгдүгээр сарын 1-нд Украинаас нийт 200 сая ам.доллараас илүү дүнтэй дөрвөн ээлжит зээлийн төлбөр хүлээж байна гэж сангийн дотоод баримт бичигтэй танилцсан РИА Новости агентлаг мэдээлэв.

ОУВС нийт 152.3 сая зээлжих тусгай эрх буюу одоогийн ханшаар 206.5 сая ам.доллараас илүү хүлээж байна. Төлбөрийн гуравны хоёрыг үндсэн хүү эзэлж байгаа бөгөөд сан Киев их хэмжээний өрийг удаан хугацаанд барьж байгаа тул нэмэлт хураамж ногдуулжээ.

Украины Сангийн яамны мэдээллээр есдүгээр сарын эцсийн байдлаар тус улсын гадаад, дотоод өр 212.6 тэрбум ам.долларт хүрсэн байна.

Төсвийн алдагдал 37 тэрбум ам.доллар, улсын өр 276 тэрбум ам.долларт хүрэх төлөвтэй байгаа ч Украин ирэх жил зэвсэгт хүчиндээ 108.3 тэрбум ам.доллар зарцуулахаар төлөвлөж байна.

Украины Сангийн дэд сайд Роман Ермоличев есдүгээр сард Батлан хамгаалах яамны тооцоогоор цэргийн зардалд үүнээс ч их буюу 175 тэрбум ам.доллар шаардлагатай гэж мэдэгдэж байсан юм.