Палантирын АНУ дахь арилжааны орлого анх удаа төрийн захиалгынхаас давжээ

Палантир компани гуравдугаар улирлын үр дүнгээрээ Уолл Стритийн таамгаас давж, АНУ дахь арилжааны орлого нь анх удаа төрийн захиалгын орлогоос их гарсан гэж Си Эн Би Си мэдээлжээ.

Нийт орлого бараг хоёр дахин өсөж, анх удаа 2 тэрбум доллараас давжээ. Цэвэр ашиг 476 сая орчим доллараас 1.13 тэрбум доллар болж нэмэгдсэн байна.

АНУ дахь арилжааны орлого 148 хувь өсөж 984 сая доллар болж, 96 хувь өссөн төрийн захиалгын 953 сая долларын орлогоос давсан юм.

Компани жилийн арилжааны орлогын таамгаа 3.42 тэрбумаас 3.56 тэрбум доллараас дээш болгож өсгөжээ. Дөрөвдүгээр улиралд 2.65 тэрбум, 2026 онд нийт 8.53 тэрбум долларын орлого олно гэж тооцож байна.

Хиймэл оюун ухааны тэргүүлэгч лабораториуд компаниудыг мэдээллийн бие даасан байдлаа алдахад хүргэж байна гэж гүйцэтгэх захирал Алекс Карп шүүмжилдэг юм. Тэрбээр есдүгээр сард технологийн томоохон компаниудын удирдлагуудтай хамт Цагаан ордонд очсон байна.