Папуа Шинэ Гвинейд олдсон их бууны сум мэт зүйлийг Хятад дарсны шил гэж тайлбарлажээ
Олон нийтийн сүлжээний хэрэглэгчид Хятадын тайлбарт эргэлзэж байна.
BBC News1 мин унших
BBC News
Папуа Шинэ Гвинейд ачааны чингэлгээс олдсон, Хятадад үйлдвэрлэсэн байж болзошгүй их бууны сумны тухай мэдээллийг Хятадын эрх баригчид үгүйсгэж, сум хэлбэртэй дарсны шил гэж мэдэгдсэнийг Би Би Си мэдээлжээ.
Цагдаагийн комиссар Дэвид Мэннинг үүнийг маш түгшүүртэй олдвор гэж тодорхойлж байсан бол Австралийн Эй Би Си телевиз нэрээ нууцалсан эх сурвалжийг иш татан Хятадын 59 загварын 130 мм-ийн дэлбэрээгүй их бууны сум гэж мэдээлжээ. Би Би Си үүнийг бие даан баталгаажуулаагүй байна.
«Энэ нь ямар ч аюулгүй» гэж Хятадын Элчин сайдын яам Мягмар гарагт олон нийтийн сүлжээнд бичжээ.
Элчин сайдын яам хууль бус цэргийн зориулалттай сумыг Хятадаас Папуа Шинэ Гвиней рүү нууцаар гаргах нь бараг боломжгүй гэж мэдэгдсэн байна.
Гэвч зарим хэрэглэгч 32 кг жинтэй дарсны шил гэж юу байх вэ гэж эргэлзэж, тэр зүйл дээр дарсны шил гэдгийг илтгэх шошго байгаагүйг тэмдэглэжээ.
Порт-Морсби хотын цагдаа өнгөрсөн Баасан гарагт нийслэлийн нэгэн барилгын талбайгаас 32 кг жинтэй уг зүйл олдсоны дараа Хятадын дөрвөн иргэнийг баривчилсан юм.
