Путин Олег Кожемяког Аюулгүй байдлын зөвлөлийн бүрэлдэхүүнд оруулав

ОХУ-ын Ерөнхийлөгч Владимир Путин Дэд Ерөнхий сайд, Алс Дорнодын холбооны тойрог дахь бүрэн эрхт төлөөлөгч Олег Кожемяког Аюулгүй байдлын зөвлөлийн бүрэлдэхүүнд оруулжээ гэж Ведомости сонин мэдээлэв.

Зарлигаар Ерөнхийлөгчийн туслах Юрий Трутневыг зөвлөлөөс хасаж, Антон Силуановын албан тушаалыг Дэд Ерөнхий сайд, Сангийн сайд гэж тодруулсан байна.

Ерөнхий сайд Михаил Мишустин 10 дугаар сарын 19-нд Засгийн газрын бүрэлдэхүүний өөрчлөлтийг Путинд танилцуулж, дэмжлэг авчээ. 10 дугаар сарын 22-нд Путин Трутневыг туслахаар, Кожемяког Дэд Ерөнхий сайдаар томилсон юм.

Мишустины 10 дугаар сарын 30-нд баталсан хуваарилалтаар Кожемяко Алс Дорнод, Арктикийн нийгэм, эдийн засгийн хөгжлийг хариуцах аж.

Хэвлэлийн төлөөлөгч Дмитрий Песковын 11 дүгээр сарын 3-нд Ведомости сонинд хэлснээр, Трутнев Ерөнхийлөгчийн тамгын газарт эх оронч үзэл, эх оронч хүмүүжлийн асуудлыг хариуцах юм.