ВК холдингийн хувьцаа хэдхэн хоногт 45 хувиар үнэтэй болжээ

Оросын ВК медиа холдингийн хувьцаа 10 дугаар сарын 29-нөөс хойш 45 гаруй хувиар үнэ нэмжээ гэж Медуза сайт Форбес сэтгүүлийг иш татан мэдээлэв.

Зөвхөн 11 дүгээр сарын 2-нд 25 хувиар өссөн тул Москвагийн бирж онцгой арилжааны горим хэрэглэсэн байна. Оргил үедээ 219.95 рубль хүрсэн бөгөөд 11 дүгээр сарын 3-ны өглөө 3.02 хувиар буурч 208.85 рубль болжээ.

Өсөлт есөн сарын санхүүгийн тайлан 10 дугаар сарын 28-нд гарсны дараа эхэлсэн юм. Аудитлагдаагүй мэдээгээр орлого 15 хувиар өсөж 128 тэрбум рубль болж, 91.3 тэрбум рублийг нийгмийн сүлжээ, медиа контент авчирсан аж.

Тайланд Макс мессенжерийн үзүүлэлтийг анх удаа дэлгэжээ. Түүний орлого 700 сая рубль нь группын орлогын 1 хүрэхгүй хувь бөгөөд сарын хэрэглэгч 109 саяас давсан гэж тайланд дурдсан байна.

Холдингийн цэвэр өр 2025 оны эцсээс 11 хувиар буурч 73.3 тэрбум рубль болжээ.

Шинжээчид өсөлт санхүүгийн үзүүлэлтээр зөвтгөгдөх эсэхэд эргэлзэж, хөрөнгө оруулалтын блогчин Евгений Коган таамгийн шинжтэй гэж үзсэн байна. Яндекс компанийн дата төвүүдэд нисгэгчгүй онгоцоор халдсан нь ВК-ийн санхүүд нөлөөлж болзошгүй аж.