Рио Тинто компани хорт бахын тархалтыг Австралид зогсоох ажилд нэгдэв

Рио Тинто уул уурхайн компани хорт бахыг Баруун Австралийн Пилбара бүсэд хүргэхгүйн тулд олон сая доллар зарцуулж байна гэж Би Би Си мэдээлэв.

Компани Перт хотын Кертин их сургууль болон бусад байгууллагын хамт бахыг хязгаарлах бүс барих юм. Төсөл 2027 онд эхэлж, таван жил үргэлжилнэ.

Их Элсэн цөл, Энэтхэгийн далайн хооронд 7,500 хавтгай дөрвөлжин километр газарт бахын усны эх үүсвэрийг таслах зорилготой аж. Хуурай саруудад бах хэдхэн хоног тутамд ус шаарддаг.

«Бах ус, амьтдыг сүйтгэдэг» гэж уугуул нутгийн байгаль хамгаалагч Роберта Хантер хэлжээ.

Хойд квол, гоанна гүрвэл, сүнс сарьсан багваахай зэрэг төрөл зүйлд бах аюул учруулж байна.

Бахыг 1935 онд чихрийн нишингийн тариалангийн цох устгахаар Австралид оруулсан юм. Одоо жилд 40-60 километр баруун тийш ахиж байгаа бөгөөд арга хэмжээ авахгүй бол хорин жилийн дотор Пилбарад хүрнэ гэж профессор Бен Филлипс хэлсэн байна.

Рио Тинто өмнө нь Пилбара дахь уугуул иргэдийн ариун хоёр хадан хоргодох байрыг сүйтгэсэн гэж шүүмжлүүлж байсан юм. Энэ шийдвэрээс болж гүйцэтгэх захирал нь ажлаа алдаж, компани уугуул иргэдтэй итгэлцлээ сэргээхээр амласан.