Сенегалын хойд хэсэгт 500 гаруй хүнд шалтгаан тодорхойгүй ижил шинж тэмдэг илэрчээ

Сенегалын хойд хэсгийн Кебемер мужид аравдугаар сарын 30-наас хойш 500 гаруй хүнд хэвлий өвдөх, бөөлжих, гүйлгэх зэрэг шалтгаан тодорхойгүй ижил шинж тэмдэг илэрснийг Эр Эф Ай радио мэдээлжээ.

Нийслэл Дакараас 200 орчим километрийн зайд орших Кебемерт өнгөрсөн амралтын өдрөөс хойш 548 хүн ижил шинж тэмдэгтэй болсон байна.

«Хүмүүс яагаад нэгэн зэрэг халдвар авсан бэ гэдгийг бид тайлбарлахыг хичээж байна» гэж Сенегалын Эрүүл мэнд, нийгмийн эрүүл ахуйн яамны урьдчилан сэргийлэх асуудал хариуцсан захирал, доктор Элхаж Мамаду Ндиайе хэлжээ.

Түүний хэлснээр, бохирдлын нийтлэг эх үүсвэр байгаа ч үүнийг нарийвчлан тогтоож чадаагүй. Тодорхой хүнс, тэр байтугай усыг сэжиглэж байсан ч урьдчилсан шинжилгээгээр сэжигтэй ундаа бактерийн хувьд уухад тохиромжтой гарчээ.

Өвчтөнүүдээс бөөлжис, баасны дээж авч, Пастерын хүрээлэнгийн лабораторид шинжилж байна.

Ноцтой шинж тэмдэг, нас баралт бүртгэгдээгүй бөгөөд өвчлөгсдийн тоо нэмэгдээгүй юм.