Туркийн Хууль зүйн сайд сангийн луйврын цаана гэмт хэргийн сүлжээ байгаа гэж мэдэгдэв

Туркт тэрбумаар хэмжигдэх хөрөнгө оруулалтын сангийн хэргийг мөрдөгчид санхүүгийн зах зээлийн дээд түвшинд нэвтэрсэн өргөн хүрээний гэмт хэргийн сүлжээг илрүүлжээ гэж Хууль зүйн сайд Акин Гюрлек Мягмар гарагт мэдэгджээ. Энэ тухай Евроньюс телевиз мэдээлэв.

«Энэ бүтэц хөрөнгийн зах зээлийн энгийн луйврын хүрээнд хязгаарлагдахгүй, өргөн хүрээний гэмт хэргийн байгууллага оролцож байна» гэж Гюрлек Эн Ти Ви телевизэд хэлжээ.

Мөрдөгчид 433 сэжигтнийг шалгаж байгаа бөгөөд 112 хүнийг цагдан хорьж, 186 хүнийг болзолтойгоор суллаж, 38 хүнийг эрэн сурвалжилж байна.

Бямба гарагт Борса Истанбул биржийн дарга Коркмаз Энес Эргүнийг гэмт хэргийн байгууллагын гишүүн байсан, хээл хахууль авсан сэжигтэй баривчилсан гэж Анадолу агентлаг мэдээлсэн байна.

Хоёр долоо хоногийн өмнө хөрөнгийн зах зээлийн зохицуулах байгууллагын даргыг Ерөнхийлөгчийн зарлигаар огцруулсан юм. Сангийн дэд сайд хүргэн нь цагдан хоригдсоны дараа огцорчээ.

Засгийн газар зах зээлийг залилан олсон мөнгийг сайн дураар буцаахыг уриалж, 30 тэрбум орчим лира (536 сая евро) цуглуулсан гэж Гюрлек хэлсэн байна.

Цагдаа таван сэтгүүлчийг хэргийн талаар худал мэдээлэл тараасан хэмээн баривчилж, заримыг нь цагдан хорьжээ.

Ерөнхийлөгч Режеп Тайип Эрдоганы тамгын газрын мэдээлснээр, 10 дугаар сарын 30 гэхэд 250,000 шахам хөрөнгө оруулагчид 97.3 тэрбум лира төлсөн байна.