Украины дайнд Ганын иргэдийг элсүүлэхгүй гэж Орос амлажээ

Украины дайнд Ганын иргэдийг элсүүлэхээ Орос зогсоохоор болсон гэж Акра мэдэгдсэнийг Африканьюс мэдээлжээ.

Ерөнхийлөгч Жон Махама өнгөрсөн долоо хоногт Москвад болсон Орос-Африкийн дээд хэмжээний уулзалтын үеэр асуудлыг хөндсөний дараа Владимир Путин ийм баталгаа өгсөн гэнэ. Гана өнгөрсөн сард иргэд нь хууртагдаж дайнд оролцож байна гэж мэдэгдэж, Москваг арга хэмжээ авахыг уриалж байсан юм.

Наймдугаар сарын дунд үеийн байдлаар 270 гаруй ганач Оросын төлөө тулалдаж, дор хаяж 62 нь амиа алдаж, 15 нь алга болжээ.

Кени, Өмнөд Африк, Нигери, Камерун, Гамби зэрэг орон иргэдээ ажил, боловсролын хуурамч амлалтаар татан оролцуулж байна гэж гомдоллож байсан юм.