Камерунд ган үйлдвэрт дэлбэрэлт болж, дор хаяж дөрвөн хүн нас баржээ

Камеруны Дуала хотын Метафрик Стийл үйлдвэрт дэлбэрэлт болж, гал гарсны улмаас дор хаяж дөрвөн хүн нас барж, арван зургаан хүн хүнд гэмтсэн гэж Африканьюс мэдээлжээ.

Дэлбэрэлт даваа гаригийн өглөө 7 цагийн орчим Басса аж үйлдвэрийн бүсэд болж, гал үйлдвэр даяар хурдан тархжээ. Аврагчид дөрвөн цогцос олсон байна.

Гэмтэгсдийг хүнд байдалтайгаар Дуала хотын Ерөнхий эмнэлэгт хүргэжээ. Ихэнх нь биеийнхээ нэлээд хэсгээр түлэгдсэн байна.

Литораль бүсийн амбан захирагч Самуэль Дьёдонне Иваха Дибуа компанийг өнгөрсөн тавдугаар сарын галын дараа тавьсан аюулгүй ажиллагааны шаардлагыг биелүүлээгүй гэж буруутгажээ.

Амбан захирагч үйлдвэрийг зогсоож болзошгүйг дурдаж, ослын нөхцөл байдлыг тогтоох шалгалт зарлагдсан юм.