Япон аюулгүй байдлын стратегидаа цөмийн зэвсгээс татгалзах зарчмын онцгой тохиолдлыг тусгахаар авч үзэж байна

Японы засгийн газар шинэчлэх аюулгүй байдлын стратегидаа цөмийн зэвсгээс татгалзах гурван зарчмын онцгой тохиолдлыг тодорхой тусгахаар авч үзэж байна гэж Кёдо агентлаг эх сурвалжийг иш татан мэдээлэв.

Цөмийн дайралтад өртсөн цорын ганц орон болох Японы эдгээр зарчим цөмийн зэвсэг эзэмших, үйлдвэрлэх, улсад оруулахыг хориглодог юм.

Ерөнхий сайд Санаэ Такаичи албан тушаалд гарахаасаа өмнө цөмийн зэвсгийг оруулахгүй байх зарчимд эргэлзэж байсан аж. Энэ зарчим нь цөмийн зэвсэгтэй АНУ-ын хөлөг онгоцны айлчлалыг хүндрүүлж, цөмийн хамгаалалтын найдвартай байдлыг сулруулж болзошгүй юм.

«Цөмийн зэвсэгтэй АНУ-ын хөлөг түр зогсохыг зөвшөөрөхгүйгээр Японы аюулгүй байдлыг хангаж чадахгүй бол засгийн газар хувь заяагаа даатган шийдвэр гаргаж, олон нийтэд тайлбарлах ёстой» гэж Гадаад хэргийн сайд асан Кацуя Окада 2010 онд парламентад хэлж байжээ.

Энэ алхам Хятадын шинэ милитаризмын буруутгалыг улам өдөөж болзошгүй аж.

Үндэсний аюулгүй байдлын стратегийг бусад баримт бичгийн хамт оны эцэс гэхэд шинэчлэх юм. 2022 онд батлагдсан одоогийн стратеги гурван зарчмыг хадгална гэж амласан байдаг.