Японд 2024 онд төрсөн найман хүүхэд тутмын нэг нь шилэн хоолойн аргаар төржээ

Японд 2024 онд шилэн хоолойн аргаар 86,473 хүүхэд төрж, дээд амжилт тогтоожээ гэж Ниппон.ком сайт мэдээлэв.

Энэ нь тус оны 686,173 төрөлтийн 12.6 хувь юм.

Японы эх барих, эмэгтэйчүүдийн нийгэмлэгийн мэдээллээр тоо өмнөх оноос 1,436-аар нэмэгдсэн бол эмчилгээний нийт циклийн тоо 11,399-өөр буурч, 550,265 болжээ.

Амжилттай төрөлтийн дийлэнх нь хөлдөөсөн үр хөврөл шилжүүлэх аргаар болсон аж.

Даатгал эмчилгээг 40-өөс доош насны эмэгтэйчүүдэд зургаа, 40-42 насныханд гурван удаа хүртэл хамардаг байна.

Эмчилгээний цикл 39 настай эмэгтэйчүүдэд хамгийн их буюу 45,124 байсан ч төрөлтийн тоо гучаад насны дундуур явж буй ээжүүдэд дээд цэгтээ хүрч, дараа нь буурдаг юм.