Японд кибер халдлагын мэдээлэл алдагдлын тоо таван жилийн дээд түвшинд хүрчээ

Японд кибер халдлагаас болсон мэдээлэл алдагдлын тоо 2026 оны 10 дугаар сарын дунд үе гэхэд таван жилийн дээд түвшинд хүрчээ гэж Ниппон.ком сайт мэдээлэв.

Токиогийн судалгааны хүрээлэнгийн судалгаагаар, оны эхний есөн сард 454 хэрэг гарсан нь өмнөх оны мөн үеийн 304-өөс 49 хувиар их юм. 10 дугаар сарын 13 гэхэд 485 болж, 2025 оны бүтэн жилийн 432-оос давжээ.

Хэргийн 195 нь 300 хүртэл ажилтантай компанид гарсан нь өмнөх оныхоос бараг хоёр дахин их аж.

Жижиг, дунд компаниудын хамгийн том аюул нь серверийг шифрлэдэг золиосны программ бөгөөд 45 хэрэг бүртгэгдсэн байна.

164 хэрэг буюу нийт хэргийн 36 хувь нь гэрээт гүйцэтгэгч, үүлэн үйлчилгээ үзүүлэгч зэрэг гадны талуудтай холбоотой юм. Энэ нь томоохон компанийн нийлүүлэлтийн сүлжээнд багтдаг жижиг компаниудыг онилж байгааг харуулж байна.

Мэдээлэл, харилцааны салбарт 88 халдлага гарч, 2.7 дахин орчим өссөн аж. Үйлдвэрлэлд 52-оос 80 болж, боловсролд 24-өөс 45 болж нэмэгджээ.