Японд 4 дүгээр сараас хойш 260 сая хүний хувийн мэдээлэл алдагджээ

Японд 4 дүгээр сараас хойш 260 сая хүний хувийн мэдээллийн бичлэг алдагдсаныг Хувийн мэдээлэл хамгаалах комиссын мэдээлэлд үндэслэн Ниппон.ком сайт мэдээлжээ. Энэ нь Японы хүн амаас хоёр дахин илүү юм.

Комисс 4 дүгээр сарын 1-нээс 10 дугаар сарын 16 хүртэл мэдээлэл алдагдсан 2094 тохиолдлын мэдээлэл хүлээн авсан нь 2025 санхүүгийн жилийн бүтэн жилийн 1256 тохиолдлоос хамаагүй их байна.

Ялангуяа 10 дугаар сарын эхний 16 хоногт 830 тохиолдол бүртгэгдсэний 4 нь 10 сая гаруй хүнд нөлөөлсөн байна.

Комисс компаниудаас хувийн мэдээлэл алдагдсанаас хойш гурваас таван хоногийн дотор мэдэгдэхийг шаарддаг бөгөөд анх удаа урьдчилсан статистик нийтэлжээ.

Олон компани өөрийн систем төдийгүй үүлэн үйлчилгээ ашигладаг тул нэг үүлэн үйлчилгээ үзүүлэгчид хийсэн халдлага олон компанид нөлөөлөх тохиолдол нэмэгдэж байна.