Европчууд Украины хэлэлцээрт оролцох ёстой ч өөр хандлагатай байх хэрэгтэй гэж Песков мэдэгдэв

Украины мөргөлдөөнийг зохицуулах хэлэлцээрт Европын төлөөлөгчид оролцох ёстой ч өөр хандлагатай байх хэрэгтэй гэж ОХУ-ын Ерөнхийлөгчийн хэвлэлийн төлөөлөгч Дмитрий Песков «Вести» мэдээллийн хөтөлбөрийн сэтгүүлч Павел Зарубинд өгсөн ярилцлагадаа хэлсэн гэж Интерфакс агентлаг мэдээлэв.

«Нэг талаас тэд хэлэлцээрийн ширээний ард байх ёстой. Гэхдээ ийм хандлагатай тэд одоо тэнд юунд хэрэгтэй вэ? Энэ бол утгагүй» гэж Песков хэлжээ.

Түүний хэлснээр Европ, ялангуяа Брюссель Орост стратегийн ялагдал хүлээлгэх тухай л ярьсаар байгаа бөгөөд ийм хандлагатай тэдэнтэй ярилцах боломжгүй юм.

ОХУ-ын Ерөнхийлөгчийн туслах Юрий Ушаков ч мөн Кремль хэлэлцээрийн эхний шатууд гурван талын хэлбэрээр явагдах ёстой гэж үзэж байгааг мэдэгдсэн байна. Учир нь Москва америкчуудтай ажлын харилцаатай аж.