Зеленский Латин Америкийн орнуудаас Украины цахилгааны сүлжээг сэргээхэд туслахыг хүсжээ

Украины удирдагч Зеленский Испани, Португал, Латин Америкийн удирдагчдад хандан Оросын цохилтод өртсөн дэд бүтцийг сэргээхэд трансформатор, цахилгааны кабель, генератор, электрон тоног төхөөрөмж нийлүүлэхийг хүссэн тухай Евроньюс телевиз мэдээлжээ.

Тэрбээр Бразил, Мексик, Аргентин, Колумбыг трансформатор, Чилийг цахилгааны кабель, Испанийг цахилгааны тоног төхөөрөмж, генератор нийлүүлж болох орон хэмээн дурджээ.

Украины сүлжээнд тохирох тоног төхөөрөмж хэрэгтэй гэж Зеленский онцолж, засгийн газруудыг үйлдвэрлэгчидтэй шууд холбоо тогтоохыг уриалжээ.

Дээд хэмжээний уулзалтын үеэр Зеленский НҮБ-ын Ерөнхий нарийн бичгийн дарга Антониу Гутерриштэй ярилцаж, Испанийн Ерөнхий сайд Педро Санчес, Гондурасын Ерөнхийлөгч Насри Асфура болон бусад удирдагчдын хамт хэлэлцээнд оролцжээ.

Тэрбээр Сарсуэла ордонд Испанийн хаан Зургаадугаар Фелипетэй уулзсан бөгөөд уулзалтад Испанийн Батлан хамгаалахын сайд Маргарита Роблес мөн байлцжээ.