Абхазид цахилгаан дамжуулах шугамын эвдрэлийн дараа цахилгааныг үе шаттай сэргээж байна

Абхазийн Черноморэнерго компани хоёр цахилгаан дамжуулах шугамын эвдрэлийг засаж, бүс нутгуудад цахилгааныг үе шаттайгаар сэргээж эхэлснийг тус бүгд найрамдах улсын Эрчим хүчний яамыг иш татан Интерфакс агентлаг мэдээлжээ.

Шугамын эвдрэлийн улмаас хэд хэдэн дүүрэг болон Сухум хот хоёр гаруй цагийн турш цахилгаангүй болсон байна.

Абхазийн хот, дүүргүүдэд хийн хангамж, төвлөрсөн халаалт байхгүй тул намар, өвлийн улиралд цахилгааны хэрэглээ огцом өсч, ачааллаа даахгүй шугамууд эвдэрдэг аж.

Черноморэнерго компанийн ерөнхий захирал Тимур Джинджолиягийн хэлснээр 2026-2027 онд бүгд найрамдах улсын цахилгааны дутагдал 500-650 сая киловатт цаг орчим болох бөгөөд дутуу хэсгийг Оросоос худалдан авна.

Түүний хэлснээр Оросоос арилжааны цахилгаан нийлүүлэлт 11 дүгээр сарын сүүлээр эхлэх төлөвтэй байна.

Абхази Гүржтэй хиллэдэг Ингури усан цахилгаан станцаас цахилгаан авдаг. Энэ бол 1992-1993 оны Гүрж-Абхазийн зэвсэгт мөргөлдөөний дараа хоёр тал хамтран ажиллуулдаг цорын ганц байгууламж юм.