Абу-Дабид болох Украины хэлэлцээрийн дүнг шууд мэдэхийг Турк хүсэж байна

Абу-Дабид болох Украины хэлэлцээрийг Турк анхааралтай ажиглаж, дүнгийн талаар оролцогчдоос нь шууд мэдээлэл авахыг хүсэж байна гэж Туркийн засгийн газрын нэрээ нууцалсан эх сурвалж хэлжээ. Энэ тухай РИА Новости агентлаг мэдээлэв.

«Талууд ямар асуудал хэлэлцэж байгаа, тохиролцоонд хэр ахисан, цаашид ямар боломж нээгдэж байгааг ойлгох нь бидэнд чухал» гэж тэрбээр нэмж хэлсэн байна.

Украины асуудлаарх яриа хэлэлцээг Турк олон удаа зохион байгуулж байсан юм.

Москва, Киев 2025 онд Истанбулд гурван удаа шууд яриа хэлэлцээ хийж, олзлогдогсдоо солилцсон. Москва мөн амь үрэгдсэн украин цэргүүдийн шарилыг хүлээлгэн өгч, талууд меморандумын төслөө солилцжээ.

Истанбул 2022 онд ч Орос, Украины яриа хэлэлцээний газар болж байв. Путин 6 дугаар сарын сүүлээр тэр үеийн тохиролцоонд үндэслэн хэлэлцээ хийхэд бэлэн гэдгээ мэдэгдсэн бөгөөд Москва газар дээрх бодит байдлыг харгалзах ёстой гэж удаа дараа онцолж ирсэн.