Африкийн хөлбөмбөгийн холбоо үндэстнүүдийн цомыг дөрвөн жил тутамд болгох шийдвэрээ цуцлажээ
Африкийн үндэстнүүдийн цом хоёр жилийн хуваарьтаа буцаж, дараагийн тэмцээнүүд 2027, 2028, 2031, 2033 онд болно.
/file/attachments/orphans/Soccer-SenegalvsCAFMorocco9_260253.jpg)
Африкийн хөлбөмбөгийн холбоо Африкийн үндэстнүүдийн цомыг дөрвөн жил тутам зохион байгуулах өнгөрсөн оны шийдвэрээ цуцалж, хоёр жилийн хуваарьт буцсан гэж Дэйли Маверик сайт мэдээлэв.
Холбооны гүйцэтгэх хорооны тайлбарласнаар цомын оронд санал болгосон Африкийн үндэстнүүдийн лиг их хэмжээний санхүүжилт өгч эхлэхэд хэдэн жил шаардлагатай аж.
«Дараагийн цом 2027 онд Кени, Танзани, Угандад болох бөгөөд маш амжилттай болно гэдэгт итгэлтэй байна» гэж холбооны ерөнхийлөгч Патрис Моцепе хэлжээ.
Дараагийн тэмцээнүүд 2028, 2031, 2033 онд болох юм. 2030 онд дэлхийн аварга болох тул ФИФА-гийн уламжлалаар энэ жил тивийн цом зохион байгуулдаггүй гэж тэрбээр тайлбарлажээ.
Зарим мэдээгээр гурван зохион байгуулагч орны дэд бүтэц бэлэн биш байж магадгүй ч холбоо тэднийг бүрэн дэмжиж байгаагаа мэдэгдсэн байна.
Дөрвөн жилийн хуваарийг зарлах үед Моцепег Европын ашиг сонирхлыг дээдэлсэн гэж шүүмжилж байв. ФИФА-гийн ерөнхийлөгч Жанни Инфантино 2020 онд Африкийг дөрвөн жилийн хуваарьт шилжихийг санал болгож байсан юм.
