АНУ-д буудуулж амиа алдсан Гана хүүгийн ээж оршуулгад оролцохоор нисэв

Нью-Йоркт буудуулж амиа алдсан 15 настай Гана хүүгийн ээж АНУ-ын Ерөнхийлөгч Дональд Трампын олгосон яаралтай визээр АНУ руу нисжээ гэж Би Би Си мэдээлэв.

«Би хүүдээ шударга ёс хүсэж байна» гэж тэрбээр нисэх буудал дээр хэлсэн байна.

Хүү өнгөрсөн Пүрэв гарагийн өглөө Бронкст сургууль руугаа явж байхдаа хөөгдөн буудуулж, эмнэлэгт нас барсан аж.

Цагдаа нар одоогоор хэнийг ч баривчлаагүй бөгөөд хэргийн газраас зугтсан гурван өсвөр насны хүүг эрж хайж байна.

Ганын засгийн газар энэ аллагыг буруушааж, нарийвчлан мөрдөн шалгахыг АНУ-ын эрх баригчдаас хүссэн байна. Мөн хууль зүйн болон консулын тусламж үзүүлэхэд бэлэн гэдгээ илэрхийлжээ.

Энэ хэрэг АНУ-д хүүхдээ сургаж буй Гана иргэдийн санаа зовнилыг төрүүлж, тус улсын бууны хүчирхийллийн маргааныг дахин сэргээсэн юм.