АНУ-д харилцаа холбооны доголдлоос болж 4.1 мянга гаруй нислэг цуцлагдлаа

АНУ-д харилцаа холбооны систем улс даяар доголдсоны улмаас Баасан гарагт дотоодын болон олон улсын 4.1 мянга гаруй нислэг цуцлагдаж, арван мянга гаруй нислэг хойшилжээ.

Вашингтонаас арваннэгдүгээр сарын 14-нд ирсэн мэдээгээр, АНУ-ын зүүн эргийн цагаар 19.25 цагийн буюу Москвагийн цагаар бямба гарагийн 03.25 цагийн байдлаар Америкийн нисэх онгоцны буудлуудад нийт 4 101 нислэг цуцлагдаж, 10 079 нислэг хойшилсон байна. Энэ тоо нислэгийн мэдээлэлд үндэслэжээ.

Холбооны нисэхийн захиргаа онцгой нөхцөл байдал үүссэн тул аюулгүй байдлыг хангах үүднээс тус улсын бүх нисэх онгоцны буудлаас онгоц хөөрөхийг түр зогсоосныг өмнө нь мэдэгдсэн. Ирж буй олон улсын нислэгийг тус бүрд нь шийдвэрлэнэ гэж тус захиргаа нэмжээ.

Харилцаа холбооны томоохон доголдлоос болж тогтоосон хязгаарлалт зүүн эргийн цагаар 15.53 цагт буюу Москвагийн цагаар 23.53 цагт хэрэгжиж эхэлсэн. Хязгаарлалт урьдчилсан байдлаар орон нутгийн цагаар 23.00-23.30 цаг хүртэл буюу Москвагийн цагаар бямба гарагийн 07.00-07.30 цаг хүртэл үргэлжлэх аж.

Нисэхийн шинжилгээний Cirium компанийн тооцоогоор нислэгийн хориг 1.5 сая гаруй зорчигчид нөлөөлжээ.