АНУ Ираны эсрэг шинэ ажиллагаа явуулж болзошгүй тул Патриот системүүдийг Ойрх Дорнод руу шилжүүлж байна
Вашингтон 11 дүгээр сарын завсрын сонгуулийн дараа Ираны эсрэг богино хугацааны боловч эрчимтэй цэргийн ажиллагаа явуулахаар бэлтгэж байгаагаа Персийн булангийн зарим оронд мэдэгдсэн гэж эх сурвалжууд хэлжээ.
Интерфакс1 мин унших
Интерфакс
АНУ-ын арми Ираны эсрэг АНУ шинэ ажиллагаа явуулж болзошгүй энэ үед бүс нутгийн агаарын довтолгооноос хамгаалалтыг бэхжүүлэхийн тулд Патриот зенит пуужингийн системүүдийг Техасаас Ойрх Дорнод руу шилжүүлж байна гэж Уолл Стрит Жорнал сонин мэдээлэлтэй эх сурвалжуудаас иш татан мэдээлжээ. Энэ тухай Интерфакс агентлаг мэдээлэв.
Эх сурвалжуудын хэлснээр, Пентагон мөн нөхцөл байдал хурцдахад бэлтгэн Ойрх Дорнод дахь эмзэг баазуудаас бие бүрэлдэхүүнээ гаргаж байна. Түүнчлэн бүс нутаг дахь Америкийн хүчин сум, галт хэрэгслийн нөөцөө нөхөж, бөмбөгдөгч болон сөнөөгч онгоцууд цохилт өгөхөд бэлэн байдалд байгаа аж.
Эх сурвалжуудын тэмдэглэснээр, ирэх сард Ойрх Дорнодод аль хэдийн байрлаж буй Америкийн 20 орчим байлдааны хөлөг онгоцны бүлэгт нэмэлт нисэх онгоц тээгч цохилтын бүлэг болон тэнгисийн явган цэргийн экспедицийн анги бүхий десантын хөлөг онгоцууд нэгдэх ёстой.
Сонины мэдээлснээр, Вашингтон 11 дүгээр сард болох АНУ-ын Конгрессын завсрын сонгуулийн дараа Ираны эсрэг богино хугацааны боловч эрчимтэй цэргийн ажиллагаа явуулахаар бэлтгэж байгаагаа Персийн булангийн хэд хэдэн оронд мэдэгдсэн байна. Эх сурвалжуудын мэдээллээр, боломжит байнд Ираны эрчим хүчний дэд бүтэц, цөмийн байгууламжууд, мөн пуужингийн систем, нисгэгчгүй онгоцууд багтаж байна.
