АНУ, Хятадын цэргийн хямралын харилцааны ажлын хэсэг Вашингтонд хуралдав

Пентагон Мягмар гарагт (11 дүгээр сарын 3) мэдэгдэл гаргаж, АНУ, Хятадын хямралын харилцаа, урьдчилан сэргийлэх ажлын хэсгийн жил бүрийн хурал Вашингтонд болсныг мэдэгджээ гэж Америкийн дуу хоолой радио мэдээлэв. АНУ-ын Дайны яамны бодлогын асуудал эрхэлсэн дэд сайдын алба дахь Хятад, Тайвань, Монгол хариуцсан ерөнхий захирал Синтия Каррас Даваа, Мягмар гарагт Хятадын Ардын чөлөөлөх армийн Олон улсын цэргийн хамтын ажиллагааны албаны Америк, Далайн товчооны дэд дарга, ахлах хурандаа Ван Вэйтэй уулзжээ.

Мэдэгдэлд дурдсанаар Каррас, Ван Вэй хоёр «АНУ, Хятадын хоорондын эрсдэлийг бууруулах практик харилцааны арга хэмжээг урагшлуулах нь чухал» гэдэгт санал нэгджээ. Ажлын хэсэг мөн хямралыг үр дүнтэй удирдах нэмэлт суваг, шуурхай, үр дүнтэй харилцах арга замыг хэлэлцсэн аж.

Дайны яам «ирэх саруудад Ардын чөлөөлөх армитай батлан хамгаалахын гол асуудлуудыг хэлэлцсээр байх болно» гэж мэдэгдсэн байна.