Ардчилагчид Сенатад 53 суудал авна гэж Эн Би Си телевиз тооцов

Ардчилсан нам Сенатад дор хаяж 53 суудал авч, хяналтаа тогтооно гэж Эн Би Си телевиз тооцжээ. Энэ тухай Ведомости сонин мэдээлэв.

Өмнө нь Блүүмберг агентлаг 100 суудалтай Сенатад ардчилагчид 51 суудал авна гэж тооцож байв.

Эн Би Си телевизийн тооцоогоор Төлөөлөгчдийн танхимд ардчилагчид 255, бүгд найрамдахчууд 180 суудал авах аж. Сонгуулийн өмнө бүгд найрамдахчууд 218, ардчилагчид 214 суудалтай байв.

Ардчилагчид өөртэй нь холбогдож, хамтран ажиллахад бэлэн гэдгээ илэрхийлсэн гэж Трамп 11 дүгээр сарын 4-нд мэдэгдсэн байна.

Төлөөлөгчдийн танхимын дарга Майк Жонсон урьдчилсан дүн намын итгэлийг сулруулахгүй гэж хэлж, 2028 онд танхимын хяналтыг эргүүлэн авна гэж амласан юм.

11 дүгээр сарын 3-ны завсрын сонгуулиар Төлөөлөгчдийн танхимын 435 гишүүн, 35 сенаторыг сонгосон.