Армений мөрдөн байцаах хороо сөрөг хүчний удирдагч Карапетяны гэрт нэгжлэг хийв

Армений Мөрдөн байцаах хороо Лхагва гарагийн өглөө сөрөг хүчний Хүчирхэг Армени намын дарга, Ташир группын тэргүүн Самвел Карапетян, түүний ах дүүгийн хүү, парламентын гишүүн Нарек Карапетяны гэрт нэгжлэг хийжээ гэж Интерфакс агентлаг мэдээлэв.

«Өнөөдөр өглөө эртнээс мөрдөгчид Самвел Карапетян, Нарек Карапетяны гэрт нэгжлэг хийж байна» гэж намын хэвлэлийн төлөөлөгч Агавни Сукиасян сүлжээнд бичсэн байна.

Гэр бүлтэй холбоотой бусад хаягт ч нэгжлэг явагдаж байгаа аж.

Бизнесмэн 2026 оны 1 дүгээр сарын 19-нөөс гэрийн хорионд байгаа юм. Тэрбээр эрх мэдэл булаахыг уриалсан гэж буруутгагдан 2025 оны 6 дугаар сард баривчлагдсан. 10 дугаар сард түүнд мөнгө угаасан гэсэн буруутгал нэмжээ.

Карапетян 2 дугаар сард өөрийн байгуулсан намаас Ерөнхий сайдад нэр дэвшсэн байв. 6 дугаар сарын 7-ны парламентын сонгуульд нам нь 23.3 хувийн санал авч, Пашинянын намын дараа орсон юм.