Ардчилсан нам ялбал «хориг тавигч ноён» болно гэж Трамп мэдэгдэв

АНУ-ын Ерөнхийлөгч Дональд Трамп завсрын сонгуульд Ардчилсан нам ялбал хуульд хориг тавих эрхээ ашиглаж, тэдэнд улс орныг сүйтгүүлэхгүй гэж Нью-Йорк Пост сонинд өгсөн ярилцлагадаа хэлсэн тухай Ведомости сонин мэдээлжээ.

«Би хориг тавигч ноён болно гэж бодож байна. Тэдэнд сүйтгүүлэхгүй» гэж Трамп хэлэв. Түүний хэлснээр бүгдийг нь буцаасны дараа нэг, хоёр сарын дотор Ардчилсан нам хэлэлцээр хийхээр ирэх юм.

Сонины мэдээлснээр Трамп хоёр дахь бүрэн эрхийн хугацаандаа хоёрхон, эхний хугацаандаа 10 хуульд хориг тавьсан байна.

Таамаглалаар Ардчилсан нам Төлөөлөгчдийн танхимын хяналтыг эргүүлэн авах магадлалтай ч Сенатын хяналтыг авах нь хэцүү аж.

Трамп ярилцлагадаа дахин сонгуульд нэр дэвших хүсэлтэй байгаагаа хэлсэн ч одоогийн хууль үүнийг хориглодгийг хүлээн зөвшөөрчээ.

Арваннэгдүгээр сарын 3-нд болох сонгуулиар Төлөөлөгчдийн танхимын бүх 435 суудал, Сенатын 100 суудлын 35 нь шинэчлэгдэнэ. Одоогоор Сенатад Бүгд найрамдах нам 53, Ардчилсан нам 45 суудалтай бөгөөд Төлөөлөгчдийн танхимд 218, 214 суудалтай байна.