Нетаньяху сонгуулийн дараа Иранд цохилт өгөхийг Трампаас хүссэн гэж Аксиос мэдээлжээ

Израилийн Ерөнхий сайд Биньямин Нетаньяху АНУ-ын Ерөнхийлөгч Дональд Трамптай бямба гарагт утсаар ярихдаа завсрын сонгуулийн дараа шууд Иранд цохилт өгөхийг уриалсан гэж Аксиос сайтыг иш татан Ведомости сонин мэдээлжээ.

Эх сурвалжуудын мэдээлснээр Трамп одоогоор хэлэлцээрт боломж олгохыг хүсэж байгаа нь Нетаньяхуг түгшээж байна. Израилийн эх сурвалж энэ яриаг хатуу, Америкийн эх сурвалж шулуун шударга гэж тодорхойлжээ.

Трамп бямба гарагт сэтгүүлчдэд Ирантай хэлэлцээ хэвийн явж байгаа, тийм ч их яарахгүй байгаа гэж мэдэгдсэн байна. «Гэхдээ тэд тийм ч найдвартай биш» гэж тэрбээр хэлжээ.

Трамп мөн АНУ Ирантай нэг, хоёр цөмийн байгууламжийн асуудлыг шийдэх шаардлагатай хэвээр байгааг хэлж, үүнийг 10 минутад хийж чадна гэж мэдэгдэв.

Ираны Гадаад хэргийн сайд Аббас Аракчи тохиролцоонд хүрээгүй гэж мэдэгджээ. Катарын зуучлагчид Ираны албан тушаалтнуудтай ням гарагт гурав дахь өдрөө уулзсан байна.