Бразилийн сонгуульд ялагдаад АНУ руу дүрвэсэн Флавио Болсонаро Мар-а-Лагод үг хэлжээ

10 дугаар сарын 25-нд болсон Бразилийн ерөнхийлөгчийн сонгуульд зүүний үзэлтэй одоогийн Ерөнхийлөгч Луис Инасиу Лула да Силвад дөрвөн сая гаруй саналаар ялагдсаныхаа дараа АНУ руу дүрвэсэн хэт барууны улс төрч Флавио Болсонаро ялагдал нь «Бразилийн төгсгөл биш» гэж мэдэгдсэнийг Гардиан сонин мэдээлжээ.

Тэрбээр Пүрэв гарагийн орой Дональд Трампын эзэмшлийн Мар-а-Лаго дахь Консерватив улс төрийн үйл ажиллагааны бага хурлын хүлээн авалт дээр АНУ-д ирсний дараах анхны томоохон олон нийтийн үгээ хэлжээ.

Үүнээс өмнө тэрбээр Нью-Йорк Таймс сонинд өгсөн ярилцлагадаа сонгуулийг луйвардсан гэх нотлох баримтгүй мэдэгдэл хийж, хэнээс ч тусламж аваагүйгээр зугтсан гэжээ.

Флавио Болсонаро Бразилд мөнгө угаах, авлигын хэргээр холбооны цагдаагийн мөрдөн шалгалтад байгаа бөгөөд ирэх оны эхээр парламентын бүрэн эрх нь дуусч халдашгүй эрхээ алдах юм. Тэрбээр төрийн эргэлт хийхийг завдсан хэргээр 27 жилийн хорих ял эдэлж буй Ерөнхийлөгч асан Жаир Болсонарогийн хүү юм.

Түүний ах дүү, парламентын гишүүн асан Эдуарду Болсонаро ч АНУ-д өөрийн хүсэлтээр цөллөгт амьдарч байгаа бөгөөд Бразилд буцвал албадлагын хэргээр дөрвөн жилийн хорих ял эдлэх ёстой.