Буданов Путин, Зеленский хоёрын уулзалтад ахиц гарахад хязгаарлагдмал өөдрөг хандлагатай байна

Украины Ерөнхийлөгчийн тамгын газрын дарга Кирилл Буданов ирэх долоо хоногт болох гурван талт хэлэлцээрийн үеэр Владимир Зеленский, Владимир Путин хоёрын уулзалтын талаар ахиц гарч магадгүй гэдэгт «хязгаарлагдмал өөдрөг» байгаагаа илэрхийлснийг Си Би Эс Ньюс телевиз мэдээлжээ.

Хэлэлцээ 2 дугаар сараас хойших анхны гурван талт уулзалт бөгөөд Украин, Орос хоёрын дайны дараах аюулгүй байдлын баталгааны асуудалд төвлөрнө гэж Буданов ярилцлагадаа хэлжээ.

«Энэ хэлэлцээ сүүлчийнх биш» гэж тэрбээр хэлжээ.

Украины төлөөлөгчдийг гол хэлэлцээч Рустем Умеров ахлах бөгөөд АНУ-ыг элч Стив Уиткофф, Жаред Кушнер нар, Оросыг Путины туслах Владимир Мединский төлөөлөх төлөвтэй.

Украины Эрчим хүчний яамны мэдээлснээр энэ долоо хоногт Оросын цохилт 10 бүс нутгийн эрчим хүчний байгууламжид өртөж, олон зуун мянган өрх цахилгаангүй болж, Киевийн ихэнх хэсэгт 16 цаг гаруй ус тасарчээ. Буданов эдгээр цохилтыг нийгмийн дургүйцэл төрүүлэх зорилготой гэж үзжээ.