Дэлхийн эрүүл мэндийн байгууллага Эболагийн хоёр шинэ вакцины туршилтыг зөвшөөрөв

Дэлхийн эрүүл мэндийн байгууллага Эболагийн хоёр шинэ вакциныг эмнэлзүйн туршилтад оруулахыг Лхагва гарагт зөвшөөрчээ гэж Африканьюс телевиз мэдээлэв.

Хоёр вакцин нь Бундибугё вирүст зориулагдсан бөгөөд нэгийг Оксфордын их сургууль, Энэтхэгийн Серум хүрээлэн, нөгөөг Модерна компани бүтээсэн аж.

Бүгд Найрамдах Ардчилсан Конго Улсын Биоанагаахын үндэсний хүрээлэн туршилтыг удирдаж байгаа юм.

«Вакцин бол хүчирхэг хэрэгсэл боловч эрт эмчлэх, холбоо тогтоох, тусгаарлах, аюулгүй оршуулах, иргэдийн итгэлийг хүлээх зэрэг өнөөдөр амь аврах батлагдсан арга хэмжээг орлохгүй» гэж байгууллагын тэргүүн Тедрос Адханом Гебрейесус хэлсэн байна.

Африкийн Өвчний хяналт, урьдчилан сэргийлэх төвийн мэдээллээр 10,444 тохиолдол батлагдаж, нас баралтын түвшин 50 хувиас давсан байна.