Иран, АНУ-ыг яриа хэлэлцээгээр зөрчлөө шийдэхийг Египетийн Ерөнхийлөгч уриалав
Мөргөлдөөн хурцдах нь дэлхийд ч нөлөөлнө гэж Каир анхааруулж байна.
Египетийн Ерөнхийлөгч Абдель Фаттах ас-Сиси Иран, АНУ-ыг яриа хэлэлцээ хийж, зөрчлөө шийдвэрлэх гэрээнд хүрэхийг Мягмар гарагт уриалжээ гэж Африканьюс телевиз мэдээлэв.
Тэрбээр Словенийн Ерөнхийлөгч Наташа Пирц Мусартай Каирт уулзсаны дараа хэвлэлийн бага хурал хийсэн байна.
Хурцадвал бүс нутгаас гадна дэлхий даяар нөлөөлөх шинэ хямрал үүсгэж болзошгүйг ас-Сиси анхааруулсан аж.
Мөн Саудын Араб болон бусад Персийн булангийн орнуудад заналхийлэхийг Египет эрс эсэргүүцэж байгаагаа дахин илэрхийлжээ. Арабын үндэсний аюулгүй байдлыг нэгдмэл гэж Египет үздэг юм.
