Тайландын Гадаад хэргийн сайд Мьянмарт хүчирхийллийг бууруулахыг уриалахаар очно
Хилийн дагуух мөргөлдөөн Тайландын иргэдэд хохирол учруулжээ.
Тайландын Гадаад хэргийн сайд Сихасак 11 дүгээр сарын 12-нд Мьянмарт нэг өдрийн айлчлал хийж, хүчирхийллийг бууруулах асуудлыг хэлэлцэнэ гэж Бангкок Пост сонин мэдээлэв.
Тэрбээр Мьянмарын Гадаад хэргийн сайд Тан Швэтэй утсаар ярьж, хилийн ойролцоох цэргийн ажиллагаанд Тайланд хохирч байгаад санаа зовж байгаагаа хэлсэн байна.
Агаарын цохилтыг хилээс аль болох хол хийх ёстой гэж Сихасак онцолжээ. Тан Швэ Тайландын санаа зовнилыг удирдлагадаа дамжуулахаа амласан аж.
Мьянмар АСЕАН-ы хурлуудад эргэн орохыг Тайланд чухал гэж үзэж байгаа ч тус улс нийтлэг санаа зовнилд хариу өгөх ёстой гэж тэрбээр хэлсэн байна.
Мягмар гарагийн орой Так мужид мөргөлдөөний сум хил давсны дараа Тайландын цэргийн анги сэрэмжлүүлгийн гэрэлтүүлэгч сум харвасан юм.
АСЕАН-ы дээд хэмжээний уулзалт 11 дүгээр сарын 16-18-нд Филиппинд болно.
