Эс Кей Скуэйр хувьцаа эзэмшигчдэдээ 3.2 тэрбум ам.доллар буцаана

Эс Кей Хайникс чип үйлдвэрлэгчийн толгой компани Эс Кей Скуэйр ногдол ашгийн орлогоосоо хувьцаа эзэмшигчдэд дор хаяж 4.3 их наяд вон буюу 3.2 тэрбум ам.доллар буцаахаа даваа гарагт зарласныг Кориа Таймс мэдээлжээ.

Эс Кей Хайникс 2026 онд 30 их наяд воноос илүү ногдол ашиг хуваарилахаар төлөвлөж байгаа тул толгой компани 6.2 их наяд воноос илүү орлого авах төлөвтэй байна.

Компани 2028 он хүртэл ердийн ногдол ашгийн орлогынхоо дор хаяж 60 хувь, Японы Кьоксиа компанийн хөрөнгө оруулалтаас олох тусгай ногдол ашгийн 100 хувийг буцаахаа амлажээ.

Төлөвлөгөөний дэлгэрэнгүйг 2026 оны санхүүгийн тайлан батлагдсаны дараа эцэслэнэ. Эс Кей Хайникс өнгөрсөн долоо хоногт гуравдугаар улирлын орлого, ашгийн дээд амжилтаа зарлаж, 2026 онд хувьцаа эзэмшигчдэд 100 их наяд воноос илүү буцаах төлөвлөгөөгөө танилцуулсан юм.