Филиппиний Эс Би Найнтин хамтлаг 2027 оны Коачелла наадамд оролцоно

Филиппиний Эс Би Найнтин хөвгүүдийн хамтлаг 2027 оны Коачелла хөгжим, урлагийн наадмын бүрэлдэхүүнд багтсаныг наадмын зохион байгуулагчид Манилагийн цагаар 11 дүгээр сарын 11-нд баталжээ. Энэ тухай Рапплер мэдээлэв.

Пабло, Стелл, Жастин, Кен, Жош нар 2027 оны 4 дүгээр сарын 10, 17-нд Коачеллад тоглох бөгөөд тэр өдрүүдэд Тейм Импала, Фиби Бриджерс зэрэг алдартай уран бүтээлчид ч тоглох юм.

“Бид анхнаасаа филиппин хөгжмийг зөвхөн төсөөлж байсан газартаа хүргэхийг мөрөөддөг байсан” гэж хамтлагийн ахлагч Пабло хэвлэлийн мэдээнд хэлжээ.

“Энэ нь Филиппиний одоо болон ирээдүйн уран бүтээлчдэд урам өгнө гэж найдаж байна” гэж хамтлагийн гишүүн Жош нэмж хэлсэн байна.

Тус хамтлаг 7 дугаар сард Чикагод болдог Лоллапалуза наадамд тоглосон анхны бүхэлдээ филиппин хамтлаг болж, мөн сард охидын БИНИ хамтлагийн хамт Филиппиний аялал жуулчлалын албан ёсны элчээр томилогджээ.

Энэ оны 4 дүгээр сард 8 гишүүнтэй БИНИ хамтлаг Коачеллад оролцсон Филиппиний анхны уран бүтээлч болсон юм.