Францын дэлгүүрүүдийн хөргөгч рүү хийсэн кибер халдлагын ард Ираны Хувьсгалт харуул байсан гэж Франц мэдэгдэв

Францын Гадаад хэргийн сайд Жан-Ноэль Барро өнгөрсөн сард Францын супермаркетуудын хөргөгч рүү хийсэн кибер халдлагын ард Ираны Исламын хувьсгалт харуулын корпус байсан гэж буруутгасныг Франс Вэнкатр телевиз мэдээлжээ.

Халдлага 10 дугаар сарын 11, 12-нд болсон бөгөөд «энэ халдлага цар хүрээ, түрэмгий байдлаараа урьд өмнө байгаагүй» гэж Барро хэлсэн байна.

Тэрбээр халдлагад буруутай бүх этгээдэд Европын түвшинд хориг арга хэмжээ авахаа амлажээ.

Парисын прокурорын газар Хувьсгалт харуулын цахим, кибер төвтэй холбоотой Шахид Каве хэмээх довтолгооны кибер ангийн удирдагчийг баривчлах олон улсын тушаал хүссэнээ мэдэгджээ.

Прокурор Лор Бекюогийн мэдэгдлээр тус бүлгийн удирдагч, түүний хоёр орлогч болон тогтоогдох бусад этгээдийн эсрэг эрүүгийн хэрэг үүсгэсэн байна.