Гадаадын жуулчдын Сөүл дэх картын зарцуулалт 58 шахам хувь өсжээ

Гадаадын жуулчид 2026 оны эхний есөн сард Сөүлд картаар 8.84 их наяд вон зарцуулсан нь өмнөх оны мөн үеэс 57.7 хувиар их гэж хотын захиргааны мэдээллийг иш татан Ёнхап агентлаг мэдээлжээ.

Энэ дүн 2025 оны бүтэн жилийн 7.94 их наяд воноос аль хэдийн давжээ. Зарцуулалтын 46 хувь нь худалдан авалт, 23.8 хувь нь эрүүл мэнд, 13.3 хувь нь хоол хүнс, 10.4 хувь нь байр байна.

Энэ хугацаанд Сөүлд 13.14 сая гадаад жуулчин ирсэн нь 21.5 хувиар их бөгөөд түүхэн дээд үзүүлэлт юм.

Хятадаас 4.2 сая, Японоос 2.5 сая, Тайваниас 1.43 сая, АНУ-аас 930 мянган жуулчин иржээ.

Дүүргүүдээс Каннам 29.6 хувь, Чун 27.7 хувь, Мапо 7.1 хувийг эзэлж байна.

Хотын албаныхан жуулчдыг удаан байлгаж, орон нутгийн худалдааны бүс, уламжлалт зах руу татах ажлыг төлөвлөж байгаа юм.